Përfundon protesta e VV-së para Kuvendit të Kosovës

Janë shpërndarë aktivistët e Lëvizjes Vetëvendosje ndërsa ka përfunduar e qetë protesta para Kuvendit të Kosovës, kundër ratifikimit të Demarkacionit me Malin e Zi.

Megjithatë, ata kanë paralajmëruar që do të jenë të gatshëm për ta ndaluar Kuvendin që mos ta miratojë këtë demarkacion.

Nënkryetari i Lëvizjes Vetëvendosje, Dardan Sejdiu ka treguar para protestuesve që Marrëveshja për demarkacion nuk është në rend të ditës.

‘Kjo marrëveshje është e kundërligjshme dhe ftoj qytetarët që në thirrjen e ardhshme për protestë të mblidhen në numër edhe më të madh’, ka thënë Sjediu.