Ëmbëlsirë freskuese me banane

Përbërësit:

200 gr. biskota të bluara

150 gr. margarinë e shkrirë

KREMI I KAFTË:

750 ml. qumësht

70 gr. nisheste

7 lugë sheqer

100 gr. çokollatë e zezë

1-2 lugë kakao

PER KREMIN E BARDHË:

750 ml. qumësht

70 gr. nisheste

6 lugë sheqer

100 gr. çokollatë e bardhë

4-5 banane

100 gr. çokollatë

Përgatitja:

Përziejmë biskotat e bluara me margarinën e shkrirë dhe shtrijmë në kallëp 36×23 duke rrafshuar mirë me dorë.

Për kremin e kaftë ndajmë 200 ml. qumësht me të cilin tretim nishestenë dhe kakaon, kurse pjesën tjetër e vëmë të vlojë me sheqerin.

Kur qumështi vlon shtojmë nishestenë e tretur dhe përziejmë mirë derisa të trashet, shtojmë dhe çokollatën e copëtuar dhe përziejmë mirë.

Largojmë nga zjarri dhe menjëherë hedhim mbi shtresën me biskota.

Për kremin e bardhë gjithashtu tretim nishestenë me 200 ml. qumësht të ftohet kurse pjesën tjetër e vëmë të vlojë me sheqerin.

Pasi qumështi vlon shtojmë nishestenë e tretur dhe përziejmë derisa të trashet, shtojmë dhe çokollatën e bardhë dhe përziejmë mirë.

Mbi kremin e kaftë shtrijmë një shtrese me banane të qëruara dhe ndara në dysh për së gjati, pastaj mbi banane kremin e bardhë menjëherë pasi e ziejmë, d.m.th. të nxehtë.

Përsipër kremit të bardhë pasi të ftohet pak qesim glazurën me çokollatë dhe ëmbëlsirën e lëmë të ftohet për disa orë në frigorifer ose për tërë natën. Presim me një thikë shumë të mprehtë që mos të kërcasë glazura dhe bananet të pritën lehtë.