Zarfi i gabuar, Akademia e ‘Oscar’ i shkarkon dy personat (Video)

Kaq shumë është shëndoshur Ryva pas lindjes (Video)
Çfarë duhet të bëni nëse ju djeg Meduza në det? (Video)

Dy personave që konsiderohen si përgjegjës për gafën e paprecedentë që shënoi ceremoninë e çmimeve ‘Oscars’ të këtij viti, u hiqet përgjithmonë e drejta për të punuar për Akademinë e Filmit dhe Shkencave.

Këtë e ka njoftuar vetë presidentja e akademisë prestigjioze, Cheryl Boone Isaacs. Brian Cullinan dhe kolegia e tij Martha Ruiz, kishin detyrën e dorëzimit të zarfeve me emrat e fitueseve në kategoritë e ndryshme, në emër të kompanisë ‘Price ëaterhouse Coopers’, që merret me numërimin e votave dhe organizimin e zarfeve.

Edhe pse ishte Cullinan ai që u cilësua përgjegjës për ngatërresën në momentin e shpalljes së filmit më të mirë të 2017-s, akademia ka vendosur t’i ndëshkojë të dy partnerët e madje do të rishikojë edhe lidhjet me vetë kompaninë, ‘Price ëaterhouse Coopers’.

ëarren Beaty dhe Faye Dunaëay shpallen ‘La La Land’ si filmin më të mirë, e ndërsa producentët e muzikalit ishin ngjitur në skenë për të bërë falenderimet e rastit, u zbulua se statueta shkonte për një tjetër film, ‘Moonlight’.

Ky është cilësuar si një prej gabimeve më të rënda në 89 vitet e historisë së Academy Aëards. Më vonë u mësua se Cullinan i kishte dhënë zarfin e gabuar 2 prezantueseve të çmimit, atë me emrin e aktores më të mirë, Emma Stone për rolin në La La Land.

COMMENTS