Vuçiq: Fitorja ime është e qartë si kristal

Vuçiq: Fitorja ime është e qartë si kristal

Përfundon mbledhja, për rrëzimin e Qeverisë vendos Kryesia dhe Grupi Parlamentar i PDK-së
Konjufca: Nuk e pranojmë kushtin e Kadri Veselit

Kryeministri i Serbisë, Aleksandar Vuçiq, shpalli fitoren në zgjedhjet presidenciale të së dielës.

Nga votat e numëruara, ai fitoi mbi 55%.

‘Fitorja ime është e qartë si kristal. Kjo është një ditë shumë e rëndësishme për ne, e cila tregon se çfarë drejtimi duhet të marrë Serbia’, tha Vuçiq, i cili është zotuar se do ta anëtarësojë Serbinë në Bashkimin Evropian, porse do të forcojë edhe marrëdhëniet me Rusinë.

Në Kosovë, rreth 39% e qytetarëve serbë me të drejtë vote morën po ashtu pjesë në zgjedhjet presidenciale serbe që u organizuan në territorin e Kosovës.

Procesi i grumbullimit të votave u udhëhoq nga misioni i OSBE-së në Kosovë, që hapi 4 qendra dhe 16 degë në veri dhe jug të vendit.

OSBE-ja dhe Policia e Kosovës e cilësuan të qetë dhe pa probleme gjithë procesin e grumbullimit të votave.

Në mbyllje të procesit të votimit, kutitë u dërguan në Serbi për shkaqe, siç u tha, sigurie.

Zgjedhjet presidenciale serbe u zhvilluan në territorin e Kosovës sipas një marrëveshjeje të arritur me misionin e OSBE-së dhe Qeverinë e Kosovës.

COMMENTS