Visar Ymeri shtyn mbledhjen e kryesisë pas përçarjeve në VV

Visar Ymeri shtyn mbledhjen e kryesisë pas përçarjeve në VV

Miratohet Raporti Vjetor i Punës së Agjencisë Kundër Korrupsionit për vitin 2017
Haradinaj për kthimin e Donikës: Ajo ka përvojë në tema politike

Pas përplasjes brenda Lëvizjes Vetëvendosje, ku në një bisedë mes anëtarëve të partisë në platformën komunikuese Viber deputetja Aida Dërguti e ka fyer Albin Kurtin, kryetari Visar Ymeri ka vendosur ta shtyjë mbledhjen e Kryesisë të paraparë për t’u mbajtur të shtunën.

Nga një email që ka siguruar Gazeta Express të dërguar nga aktivisti i Lëvizjes Vetëvendosje Glauk Tahiri për aktivistët e tjerë të partisë, thuhet se kryetari Visar Ymeri ka marrë vendim që të shtyej për një ditë tjetër mbledhjen e qeverisë.

‘Kryetari Ymeri më kërkoj t’ju njoftoj se nesër, të shtunën, nuk mbahet mbledhja e Kryesisë’, thuhet në mesazhin që ia ka dërguar aktivisti Tahiri, aktivistëve të tjerë të VV-së, përmes postës elektronike.

Mbledhja e Kryesisë së Lëvizjes Vetëvendosje, e paraparë të zhvillohej nesër, nuk dihet ende se kur do të mbahet. ‘Mbledhja shtyhet për një ditë tjetër’, shkruhej në mesazhin e aktivistit Glauk Tahiri.

Mesazhi telefonik i Aida Dërgutit,në të cilin ajo i referohet Kurtit si “ai muti” ishte një përshpejtim i një beteje që pritej të ndodhte në pranverë, kur LVV e kishte Kongresin e radhës, e në të cilin pritej që të zgjedhej kryetari i partisë, ose të rizgjedhej kryetari aktual.

COMMENTS