Veseli: Veprimet e djeshme konform ligjeve, s’duhet të lëkundet besimi në Kosovën

Veseli: Veprimet e djeshme konform ligjeve, s’duhet të lëkundet besimi në Kosovën

Haradinaj: Qeveria s’do t’ia japë asnjë cent KEK-ut për importim të rrymës
Haliti: S’është i lehtë shfuqizimi i Speciales

Kryetari i Kuvendit të Kosovës, Kadri Veseli përmes një komunikate për media ka thënë se iniciativa e djeshme e 43 deputetëve për shfuqizimin e Speciales ishin konform ligjeve të Kosovës, ndërsa ka theksuar se kjo nuk duhet të lëkundë besimin në Kosovën.

‘Në vazhdimësi ka pas qëndrime të ndryshme rreth Gjykatës Speciale. E di që dje nuk ka qenë një ditë e lehtë për Kosovën. Por, kjo assesi nuk duhet ta dekurajojë askënd e as ta lëkundë besimin në Kosovën dhe miqtë e saj’, ka thënë Veseli.

Kreu i Kuvendit ka thënë se procesi është zhvilluar konform ligjeve të vendit, ndërsa Kosova qëndron e palëkundur në përkushtimin e vet pro perëndimor.

‘Deputetët e Kuvendit të Kosovës janë sovranë në të drejtat, përgjegjësitë dhe vendimet e tyre. Në respektim të Rregullores së Kuvendit, iniciativa e 43 deputetëve për të sjellë një projektligj që shfuqizon Ligjin për Dhomat e Specializuara është shqyrtuar dhe është proceduar për vendimmarrje, bazuar në Rregulloren e Kuvendit. I gjithë procesi është zhvilluar konform ligjeve të vendit dhe qëndrimeve politike të secilit subjekt. Kosova qëndron e palëkundur në përkushtimin e vet perëndimor, për integrim në Bashkimin Europian dhe për raporte të veçanta me Shtetet e Bashkuara të Amerikës’, ka thënë Veseli.

Gjithashtu konfirmohet se Kuvendi i Kosovës, në bazë të Rregullores dhe Kushtetutës, nga sot futet në pushimin dimëror, deri në javën e tretë të muajit janar.​

COMMENTS