Veseli: Fuqizimi i gruas forcon shtetin

CIA: WikiLeaks vuri në rrezik amerikanët
Ambasada Gjermane: Gjykata speciale nuk ndërlidhet me qëllimet politike

Kryetari i Kuvendit të Kosovës, Kadri Veseli ka folur në një seancë të veçantë parlamentare para grave deputete si dhe asamblistëve të komunave të Kosovës, për fuqizimin e rolit të gruas në jetën politike në shoqëri.

‘Fuqizimi i grave është proces nga i cili varen të gjitha proceset tjera vitale të shtetit , në rradhë të parë zhvillimi ekonomik, edukimi i të rinjve dhe demokratizimi i shoqërisë në përgjithësi. Është një parim i njohur se nuk ka shoqëri të emancipuar pa emancipimin e grave, por që të arrihet ky emancipim na duhen politika të qarta dhe të vendosura që stimulojnë gjithpërfshirjen e grave në jetën publike, në politikë, ekonomi dhe sisteme të edukimit’, tha Veseli.

Veseli tha se barazia gjinore nuk është çështje e retorikës ditore politike e as standard formal apo dekorativ për të përmirësuar imazhin e këtij apo atij subjekti.

‘Barazia gjinore është interes nacional dhe strategjik i shoqërisë sonë që aspiron zhvillimin dhe ecjen përpara në proceset evro-atlantike. Kur e them këtë, kam parasysh faktin se nuk mund të kemi zhvillim të qëndrueshëm e real, nëse gjysma e popullatës nuk është e përfshirë në jetën publike dhe ekonomike të shoqërisë’, tha Veseli.

Kreu i legjislativit ka folur në këtë seancë edhe për diskriminimin e grave në shumë fusha shoqërore, por sipas tij, gratë duhet të jenë të vendosura dhe mos të heqin dorë nga të drejtat dhe përgjegjësitë që duhet ti kenë. Në veçanti Veseli ftoi gratë asambleiste që të jenë më të zëshme në asambletë komunale, më insistuese dhe më kreative njëkohësisht në politikat e qeverisjes lokale.

‘Ditëve të fundit, gjithandej Kosovës, kam pasur takime të shumta me gratë e angazhuara në biznes, në arsim, shëndetësi, në sektorin publik dhe privat. Kam dëgjuar me shumë vëmendje brengat dhe idetë e tyre për të ardhmen e vendit. Gjej këtu rastin që t’i falënderoj për idetë dhe sugjerimet e tyre shumë praktike. Më kanë ndihmuar jashtëzakonisht shumë në ndërtimin e pikëpamjeve të mija për drejtimin që duhet të marrë vendi’, tha kreu i Kuvendit, Veseli.

COMMENTS