Torte akullore

Bukë për hot-dog
Sallatë me vezë

Për pandispanjë: 5 të bardhë të vezëve

200 gr. sheqer pluhur

1 lugë uthull

1 lugë miell

Për krem:

5 të verdhë të vezëve
14 lugë sheqer
250 gr. gjalpë
100 gr. çokollatë për zierje
5 decilitra ujë
1 puding vanille
1 puding çokollate
2 qese krem pana

Pandispanja: Të bardhtë e vezëve tunden derisa të fitohet shkumë e trashë, e pastaj gradualisht shtohet sheqer pluhur dhe tundet gjatë tërë kohës. Nga fundi shtohet 1 lugë uthull dhe tundet edhe 1 minutë.

Në shkumën nga të bardhtë e vezëve shtohet miell dhe përzihet ngadalë me tel kuzhine.

Në tavën drejtkëndëshe shtrohet letër për pjekje, derdhet në të masa e përgatitur dhe piqet 60 minuta në furrën e nxehtë në 150 gradë.

Kremi:Të verdhtë e vezëve dhe 8 lugë sheqer zihen në avull. Përzihen gjatë tërë kohës, derisa të fitohet një masë e mirë kremoze.

Kremi nga të verdhtë e vezëve lihet të ftohet, e pastaj i shtohet gjalpi dhe tundet me mikser.

Në enë të veçantë bashkohen 2.5 decilitra ujë me 3 lugë sheqer, shtohet pluhuri për puding vanille dhe zihet në temperaturë mesatare, duke përzier gjatë tërë kohës, derisa të trashet pudingu.

Në të njëjtën mënyrë, në përzierje të ujit dhe të sheqerit të mbetur, zihet edhe pudingu i çokollatës, shtohet çokollata e copëtuar dhe përzihet derisa të shkrihet ajo.

Kremi nga të verdhtë e vezëve ndahet në dy pjesë. Në pjesën e parë shtohet pudingu i vanillës, ndërsa në pjesën e dytë shtohet pudingu i çokollatës dhe përzihet mirë.

Finalizimi: Pandispanja lyhet me kremin e vaniljes, e pastaj, përmbi të, shtrihet kremi i çokollatës.

Krem pana përgatitet sipas udhëzimeve në qese dhe torta lyhet me të përmbi kremin e çokollatës.

COMMENTS