Shishqebap me perime skare

Përbërësit:

250 gr. mish viçi

40 gr. qepë

40 gr. spec i kuq

30 ml. vaj ulliri

kripë

piper

rigon

40 gr. sallatë jeshile

10 gr. qepë

4 kokrra ullinj

3 kokrra domate qershi

kripë

vaj ulliri

pak lëng limoni

50 gr. patate

30 gr. spec

20 gr. kungull

Përgatitja:

Si fillim përgatisim shishqebapin. Presim mishin e viçit në kubik, rreth 2 cm, dhe i marinojmë me kripë, piper, rigon dhe vaj ulliri.

Presim qepën dhe specin në madhësinë e mishit dhe i rendisim të gjitha tek shkopi i shishqebapit.
Shkopin e vendosim në zgarë dhe e lemë deri sa të piqen.

Ndërkohë përgatisim sallatën e fshatit. I presim të gjithë përbërësit në copa të vogla, i hedhim në pjatë dhe e marinojmë sallatën me kripë, vaj ulliri dhe pak lëng limoni.

Më pas përgatisim edhe perimet e skarës. Në fillim e ziejmë pataten, më pas e presim në feta.

I presim në feta edhe kungullin dhe specat dhe të gjitha i vendosim në skarë, duke i pjekur me kujdes.

Në fund i rregullojmë me kripë dhe të gjitha këto gatime i vendosim në pjatë, duke i dekoruar sipas dëshirës.