Qeveria garanton për kredi, Prishtina tash mund t’i blejë autobusët urban

Qeveria garanton për kredi, Prishtina tash mund t’i blejë autobusët urban

Gjilan, 55 të helmuar me ushqim për gjashtë muaj
Policia arreston 5 persona të organizatës ‘Syri i popullit’ (Emrat)

Qeveria e Kosovës në mbledhjen e sotme ka miratuar garancinë për blerjen e autobusëve urban për komunën e Prishtinës.

Kredia për blerjen e 50 autobusëve ishte objekt akuzash e kundërakuzash midis zyrtarëve të Komunës së Prishtinës, e cila drejtohet nga Vetëvendosje, dhe Qeverisë së Kosovës, përkatësisht Ministrisë së Financave, e cila akuzohej se po zvarriste nënshkrimin nga motive politike, meqë ministri është nga radhët e LDK-së.

Ministri i Financave, Avdullah Hoti disa herë ka sqaruar hapat ligjorë që duhej të bënte Komuna e Prishtinës para se Qeveria të bëhej garantuese e kredisë 10 milionëshe për këta autobusë, e cila do të merret nga Banka Evropiane për Zhvillim.

Qyteti i Prishtinës përballet me probleme të theksuara të transportit urban dhe pret që me blerjen e këtyre autobusëve të përmirësohet situata. Ky është edhe premtimi i kreut të Prishtinës Shpend Ahmeti.

COMMENTS