PZAP hedh poshtë ankesat e LDK-së dhe PDK-së për Prishtinën dhe Prizrenin

PZAP hedh poshtë ankesat e LDK-së dhe PDK-së për Prishtinën dhe Prizrenin

Vuçiq: Car Llazari e humbi betejën e Kosovës, e unë jam fajtor që duhet ta njoh pavarësinë e saj?
KQZ: Deri në ora 15:00 dalja në zgjedhje mbi 29% (Foto)

Paneli Zgjedhor për Ankesa dhe Parashtresa (PZAP) ka hedhur poshtë ankesat e Lidhjes Demokratike të Kosovës të parashtruara në lidhje me rezultatin e garës zgjedhore të balotazhit për kryetar të Prishtinës. Po ashtu, PZAP, ka hedhur poshtë edhe ankesat e Partisë Demokratike të Kosovës në lidhje me ankesat e paraqitura për garën e balotazhit në komunën e Prizrenit.

Me këto vendime, PZAP, ka përjashtuar mundësinë e rinumërimit të votave për Prishtinën dhe Prizrenin.

LDK pretendon se kandidati i saj për kryetar të Prishtinës, Arban Abrashi është dëmtuar dhe si pasojë ka humbur garën nga kandidati i Vetëvendosjes, Shpend Ahmeti.

Po ashtu, edhe PDK, pretendon se kandidati i saj në Prizren, Shaqir Totaj, si pasojë e parregullsive ka humbur garën nga kandidati i Vetëvendosjes, Mutahir Haskukaj.

Tani, LDK-së dhe PDK-së u mbetet që t’i drejtohen, eventualisht Gjykatës Supreme nëse nuk pajtohen me vendimet e PZAP-së.

Ankesat kundër vendimeve të PZAP-së mund të parashtrohen brenda 24 orëve në Gjykatën Supreme të Kosovës. Kurse Gjykata Supreme, më pas, duhet te vendos lidhur me ankesat brenda 72 orëve.

COMMENTS