Protesta në Barcelonë kundër masave të paralajmëruara të Madridit

Protesta në Barcelonë kundër masave të paralajmëruara të Madridit

24 persona të vrarë nga sulmi vetëvrarës në Pakistan
Grabitësit si në filma, marrin mbi 20 milionë euro në makinën me para

Në rrugët e Barcelonës dje janë mbledhur turma të mëdha të njerëzve për të protestuar kundër masave të paralajmëruara të kryeministrit të Spanjës, Mariano Rajoy, për t’i shkarkuar liderët e Katalonjës dhe për ta marrë kontrollin ndaj këtij rajoni separatist.

Policia e Barcelonës tha se në këtë protestë kanë marrë pjesë afro 450 mijë vetë. Ata kanë brohoritur ‘Liri’ dhe ‘Pavarësi’ dhe i kanë mbajtur flamujt separatist të Katalonjës.

Dje më herët gjatë ditës, kryeministri Rajoy, i shpalli planet për shkarkimin e liderit të Katalonjës, Carles Puigdemont, dhe të bashkëpunëtorëve të tij, të cilët e kanë shkaktuar krizën më të thellë politike për disa dekada në Spanjë, duke e mbajtur refrendumin e kontestuar për pavarësi më 1 tetor.

Gjykata Kushtetuese e Spanjës e pat shpallur referendumin ilegal.

Masat e propozuara nga kryeministri duhet të miratohen në Senatin e Spanjës brenda pak ditësh.

Puidgemont tha se masat e qeverisë së Spanjës ‘nuk janë në harmoni me qasjen demokratike dhe ato nuk e respektojnë sundimin e ligjit’.

COMMENTS