Presidenti do t’iu drejtohet me një fjalim edhe deputetëve të Kuvendit

Presidenti do t’iu drejtohet me një fjalim edhe deputetëve të Kuvendit

Kadri Veseli: Më 11 qershor tregoni kush është Drenica
Plaka që ndihmon gratë të mbesin shtatzënë (Video)

Presidenti i Kosovës, Hashim Thaçi, dje ka mbajtur një fjalim të gjatë para pjesëtarëve të FSK-së. Zyra për Informim e Presidentit ka thënë për KosovaPress se fjalimi i djeshëm ishte një adresim para pjesëtarëve të FSK-së dhe qytetarëve të Kosovës.

Kjo zyre ka konfirmuar se presidenti do ta mbajë fjalimin e fundvitit edhe para deputetëve të Kuvendit të Kosovës, ashtu siç e parasheh Kushtetuta e Republikës së Kosovës.

‘Presidenti i Republikës së Kosovës është duke pritur që Kryesia e Kuvendit të Kosovës të caktojë seancën për mbajtjen e fjalimit vjetor të presidentit, ashtu siç është e përcaktuar me legjislacion dhe me praktikën parlamentare’, thuhet në përgjigjen e tyre.

Për fjalimin e djeshëm para pjesëtarëve të Forcës së Sigurisë së Kosovës, zyrtarët e presidencës kanë thënë se presidenti është edhe komandant suprem i Forcës së Sigurisë së Kosovës dhe fjalimi i djeshëm ishte adresim për ushtarët e FSK-së dhe qytetarët e Kosovës.

‘Këto adresime publike nuk bëhen në asnjë rrethanë për të anashkaluar obligimet kushtetuese dhe ligjore që presidenti i vendit ka ndaj Kuvendit të Kosovës, mirëpo janë një formë e re e komunikimit që aplikohet më qëllim të trajtimit të temave më të rëndësishme për opinionin e gjerë publik’, thuhet në përgjigjet e tyre.

Ndryshe, presidentë të shumtë në botë, të cilët janë edhe komandantë supremë të ushtrive shtetërore, shpeshherë u drejtohen qytetarëve nga kampet e ushtrive dhe duket se këtë radhë edhe presidenti Thaçi ka përvetësuar praktika botërore, sepse është hera e parë që Presidenti i Kosovës u drejtohet ushtarëve të Forcës së Sigurisë së Kosovës nga një kazermë e tyre.

COMMENTS