Njoki patatesh me fileto krapi

Njoki patatesh me fileto krapi

Tiramisu me pjeshkë
Tre përbërës, dhe drekë të shijshme do të keni në tryezën tuaj për vetëm gjysmë ore

Përbërësit për katër persona:

400 gr. njoki

800 gr. krap

250 gr. domate qershiza

1 gotë verë të bardhë

3 thelpinj hudhre

100 gr. miell

7 lugë vaj ulliri

Majdanoz

1 spec djegës

kripë dhe piper

Përgatitja:

Pastrojmë dhe shfiletojmë peshkun, i heqim edhe lëkurën. Lëmë katër fileto të paprera ndërsa të tjerat i presim në kubikë.
Pastrojmë domatet nga lëkurat dhe i presim përgjysmë, grijmë majdanozin hollë. Ndërkohë vëmë në zjarr një tigan të madh me vaj ulliri, zverdhim thelpinjtë e hudhrës dhe specin djegës, i heqim dhe hedhim copat e peshkut dhe si të marrin faqe i shuajmë me verë të bardhë dhe e lëmë të avullojë.

Shtojmë domatet dhe majdanozin dhe i shtojmë pak ujë të nxehtë dhe i lëmë të ziejnë ngadalë për maksimumi 7–8 minuta. Ndërkohë që ziejmë njokit në ujë me kripë, në një tigan tjetër nxehim vaj ulliri dhe skuqim filetat e paprera të kaluara më parë në miell.

Pasi i kalojmë nga të dy anët, i spërkasim me pak verë të bardhë dhe i lëmë mënjanë. Sapo njokit të jenë gati, i kullojmë dhe i hedhim në tiganin me domate e copa peshku dhe i lëmë për pak minuta në zjarr të fortë derisa të lidhen përbërësit me njëri-tjetrin. Përgatisim pjatën me njoki duke e zbukuruar me fileton e skuqur të peshkut. Shërbehet e nxehtë.

COMMENTS