Ngrihet padi për terrorizëm ndaj aktivistëve të VV-së

QNR: Pas dy-tri dite fillon numrimi i rreth 12 mijë votave
Të burgosurit kërkojnë dhomë për seks dhe më shumë ushqim

Prokuroria Speciale e Kosovës ka njoftuar se ka ngritur padi ndaj Atdhe Gashit, Frashër Krasniqit, Egzon Halitit dhe Adea Batushës, me dyshimin se kanë kryer veprën penale të terrorizmit.

Vepra penale sipas njoftimit të kësaj prokurorie në Prishtinë është e paraparë ‘në nenin 136 paragrafi 1, lidhur me neni 135 paragrafi 1, nën paragrafi 1.7, lidhur me neni 31 të Kodit Penal të Republikës së Kosovës.’

Komunikata e dërguar mediave thotë se: ‘në aktakuzën e ngritur ndër të tjera thuhet së të pandehurit kanë vepruar si grup i organizuar, me qëllim që të shkaktojnë frikësimin serioz të popullsisë dhe shkaktimin e ndjenjës se pasigurisë për qytetarët dhe institucionet e Republikës së Kosovës’.

‘Ndërsa, për të dyshuarin Petrit Ademi, në mungesë të provave, kanë pushuar hetimet. Po ashtu, hetimet kanë pushuar edhe për tashmë të ndjerin Astrit Dehari’, thuhet gjithashtu në këtë njoftim.

COMMENTS