Në Kosovë të izoluar qytetarët, jo edhe politikanët

Në Kosovë të izoluar qytetarët, jo edhe politikanët

Akademi Përkujtimore për Adrian Krasniqin
Ruçi dekorohet me medaljen për Liri dhe Pavarësi nga presidenti Thaçi

Derisa qytetarët e Kosovës vazhdojnë të presin dyerve të ambasadave të shteteve të Bashkimit Evropian për t’u pajisur me vizë schengen, kryeministri Ramush Haradinaj dhe bashkëshortja e tij Anita janë pajisur me pasaporta të Shqipërisë, me të cilat mund të lëvizin lirshëm në Evropë, shkruan Gazeta Zëri.

Haradinaj nuk është politikani i vetëm kosovar që është pajisur me pasaportë shqiptare.

Pasaporta të tilla posedojnë edhe shumë deputetë nga radhët e pozitës dhe të opozitës.

Haradinaj ka deklaruar dje se këtë pasaportë nuk do ta shfrytëzojë për të udhëtuar në BE, por e ka pranuar si nder që i është bërë nga Shqipëria.

‘Vendimi për shtetësi të Shqipërisë është bërë me dekret të presidentit Nishani. Nuk do ta përdori për udhëtime pasaportën shqiptare sepse e kam pasaportën diplomatike. Shqetësimet e qytetarëve janë të arsyeshme sepse jemi të izoluar. Edhe unë e kam shqetësim këtë. Jemi duke bërë punë për të mundësuar liberalizimin e vizave, e cila është e lidhur me demarkacionin me Malin e Zi’, ka thënë Haradinaj.

Ai ka përsëritur se nuk do të heqë dorë nga kundërshtimi i versionit aktual të Marrëveshjes së Demarkacionit, i cili është kushti themelor i BE-së për liberalizimin e vizave, pasi tha se nuk do t’i fitojë vizat duke humbur territor.

COMMENTS