MSH ka siguruar 85.500 vaksina kundër gripit sezonal

MSH ka siguruar 85.500 vaksina kundër gripit sezonal

MPJ mirëpret Raportin e Komisionit Evropian mbi Kosovën
Forca të policisë në panairin ‘Prishtina 2018’

Ministria e Shëndetësisë ka njoftuar se bazuar në planin e vaksinimit të Institutit Kombëtar të Shëndetësisë Publike ka siguruar 85.500 vaksina kundër gripit sezonal.

Shpërndarja e këtyre vaksinave ka filluar përmes Institutit Kombëtar të Shëndetësisë Publike, i cili i shpërndan ato në Qendrat Kryesore të Mjekësisë familjare- Njësitë e vaksinimit të komunave të Kosovës, ku qytetarët mund të vaksinohen.

Sipas MSh-së, prej vaksinave të siguruara, të cilat jepen falas për qytetarët, 85 000 janë vaksina për të rritur, ndërsa 500 të tjera janë vaksina për fëmijë (pediatrike) kundër gripit.

‘Vlera financiare e këtyre vaksinave të siguruara është 478. 670.00 €. MSh u bën thirrje grupeve më të rrezikuara siç janë të sëmurët kronikë dhe të moshuarit që t’i shfrytëzojnë vaksinat për mbrojtje kundër gripit sezonal’, thuhet në njoftim.

COMMENTS