Milani mund të përjashtohet nga garat evropiane

Milani mund të përjashtohet nga garat evropiane

Durant dhe Westbrook kacafyten gjatë ndeshjes (Video)
Evertoni dhe Monaco shprehin interesim për Wengerin

UEFA është duke monitoruar nga afër situatën financiare të Milanit teksa pikëpyetjet vazhdojnë të rriten për skuadrën e Serie A e cila shpenzoi tepër gjatë afatit kalitmar.

Delegatë të Milanit janë shfaqur në zyret e UEFA-s dy javë më parë për të ofruar dosjet e tyre se implikimet financiare janë legjitime dhe nuk janë në kundërshtim me rregullat e Fair Play Financiar.

Alarmi është ngritur në Nyon kur 200 milionë euro u shpenzuan nga Milani dhe UEFA kërkoi garancion dhe dokumente nga Fininvesti i Silvio Berlusconit dhe konzorciumi kinez, i njohur si Rossoneri Sport Investment Lux që së fundmi bleu skuadrën e Milanit.

Marca mëson se këto obligime financiare duket se janë bërë në varësi me suksesin e ekipit në të ardhmen, më saktësisht inkuadrimin në Ligën e kampionëve, e që nuk është garancion i mjaftueshëm për FFP dhe që mund të bëjë që Milani të marrë një dënim të madh siç është përjashtimi nga garat evropiane.

Për më shumë, një hetim i fundit nga Neë York Times ka gjetur se Li Yonghong, pronari i ri i Milanit, nuk është pronari i vërtetë i kompanisë së minierave prej të cilës ai thotë se e ka pasurinë, duke bërë që pasuria e tij personale të jeët në fakt shumë më e vogël se sa që është menduar në fillim.

Milani është në vendin e shtatë këtë sezo me 19 pikë e gjashtë humbje, shtatë pikë më pak se sezonin e kaluar.

Për të hyrë në luftë për ndonjë nga katër pozitat e para Milani është 11 pikë larg Romës që mban pikërisht vendin e katërt.

COMMENTS