‘Kur thoni ‘Kosova është Serbi’, mos u habisni kur tjerët thonë Presheva është Kosovë Lindore’

‘Kur thoni ‘Kosova është Serbi’, mos u habisni kur tjerët thonë Presheva është Kosovë Lindore’

Ambasadori i Norvegjisë në Serbi, Arne Sannes Bjornstad, duke komentuar deklaratat e kryeministrit të Kosovës, Ramush Haradinaj, kur Preshevën dhe Bujanocin i quajti Kosovë Lindore, ka thënë se deklarata të tilla nuk ndihmojnë.

Por, thotë Bjornstad në një intervistë për të përditshmen serbe ‘Blic’, ata që flasin për Kosovën si pjesë integrale e Serbisë, sikurse edhe për atë se një pjesë e marrëveshjes së normalizimit duhet të përmbajë edhe ‘rregullimin’ e kufirit, nuk duhet të habiten kur pjesë tjera të Serbisë quhen Kosovë Lindore, transmeton Koha.net.

‘Dëgjoj se njerëzit flasin për rreziqe nëse vizitojnë Kosovën. Unë e kam vizituar disa herë Kosovën, kam shëtitur me veturë me targa të Beogradit pa asnjë incident’, ka thënë Bjornstad.

Ai nuk e mohon se incidentet ndodhin, por mendon se ata që s’e kanë vizituar Kosovën i zmadhojnë rreziqet.

COMMENTS