Koreografia e tifozëve të Legias bën xhiron e botës, një ushtar gjerman duke e qëlluar një fëmijë polak me pistoletë në kokë (Foto)

Tifozët e Legia Varshavës kanë përkujtuar përvjetorin e Kryengritjes së Varshavës

Gjatë ndeshjes kualifikuese për Ligën e Kampionëve, kundër Astanas, tifozët polakë kanë hapur një banderolë për të përkujtuar të vrarët e Luftës së Dytë Botërore.

Banderola gjigante e hapur nga tifozët e Legias, ka hapur debat në tërë kontinentin e vjetër. ‘Gjatë Kryengritjes së Varshavës, gjermanët vranë 160 mijë persona. Mijëra prej tyre ishin fëmijë’, shkruhet në banderolë.

Edhe pamja e saj është e tmerrshme, një SS nazist që i drejton pistoletën në kokë një fëmije me kapele me flamur polak.

Kjo koreografi u realizua nga tifozët për të kujtuar përvjetorin e Kryengritjes së Varshavës, që nisi më 1 gusht 1944 dhe kulmoi me represionin e egër gjerman në 2 tetor të po atij viti. Hitleri urdhëroi më pas shkatërrimin e krejt qytetit.