Komuna me numër emergjent pas vërshimeve në Prishtinë

Komuna me numër emergjent pas vërshimeve në Prishtinë

PDK padit në Prokurorinë Speciale këta zyrtarë të Vetëvendosjes (Dokument)
Fillon seanca gjyqësore e Sami Lushtakut dhe Sylejman Selimit

Komuna e Prishtinës njofton qytetarët se për shkak të të reshurave të mëdha ka vështirësi të lëvizjes dhe vërshime në disa lagje në kryeqytet.

Për momentin situata më e keqe paraqitet në rrugën “Nazim Gafurri” , “Rrugën B”, te banesat e bardha në Breg të Diellit, rrugën “Lidhja e Prizrenit” në Tophane, Kolovicë etj.

Ekipet e Drejtorisë së Inspeksionit dhe të Drejtorisë së Shërbimeve Publike së bashku me të gjitha pesë kompanitë janë në terren e poashtu edhe ekipet e zjarrëfikësve, duke ndihmuar në hapjen e rrugëve dhe sanimin e problemeve të tjera. Për çdo vështirësi qytetarët duhet të lajmërojnë Qendrën e Thirrjeve, ndërsa të gjithe qytetarët udhëzohen të reduktojnë lëvizjet nëpër qytet përveq në raste urgjente. Komuna do të njoftojë për detaje në orët në vijim, thuhet në njoftimin e Komunës.

Ndryshe në orët e pasdites nga një shi i rrëmbyeshëm janë shkaktuar probleme në trafik, sepse ka pasur bllokime të rrugëve nga uji.

Për të përballuar vërshimet që ndodhën pas reshjeve të shumta të shiut, Komuna e Prishtinës ka vënë në dispozicion një numër emergjent për të dhënë çdo informatë.

Raportohet se të gjitha ekipet me të gjitha kapacitetet janë në terren.

Numrat pë Qendrën e Thirrjeve janë:

0800 12233

0800 12244

0800 12255

COMMENTS