Komuna e Prishtinës i revokon lejen Beer Fest-it

Komuna e Prishtinës i revokon lejen Beer Fest-it

Policia zbulon bimë narkotike që kultivoheshin në Rahovec
Nuk ka viza as në vitin 2018

Beer Fest nuk do të mbahet sot e nesër në Sheshin ‘Zahir Pajaziti’ në Prishtinë. Lajmin e ka bërë të ditur kryetari i Komunës së Prishtinës Shpend Ahmeti në një postim në Facebook.

Ahmeti thotë se numri i madh i njerëzve mbrëmjen e djeshme kur edhe ndodhi incidenti, ka shpërfaqur dobësitë e organizatorit për të garantuar sigurinë e pjesmarrësve në organizim.

Postimi i plotë i kryetarit, Shpend Ahmeti:

Të nderuar qytetarë,
Prishtina si kryeqytet është nikoqire e organizimeve të shumta argëtuese, ekonomike e politike. Detyra jonë ka qenë gjithmonë që të gjejmë një balancë në mes të argëtimit, lirisë dhe qetësisë e sigurisë publike.

Kërkesat më të shpeshta janë për organizime në shesh të cilat jo rallë i refuzojmë.
Beerfest është një prej organizimeve më të mëdha dhe më të suksesshme që ka Prishtina në vitet e fundit. Edhe këtë vit në diskutime me organizatorët kemi ngritur brengat tona me disa çështje të cilat organizatorët kanë marr masa t’i adresojnë.

Mirëpo numri i madh i njerëzve mbrëmë ka tejkaluar të gjitha kapacitetet organizative dhe ka shpërfaqur disa probleme substanciale. Kryesoret kanë qenë mungesa e kapacitetit për të garantuar sigurinë nga ana e organizatorëve për shkak te numrit të madh të njerëzve dhe prania e madhe e minorenëve (nën 18 vjeç) në shesh.

Për këto arsye kam vendosur që të revokojmë lejen e Beerfest per sot e nesër. Ky vendim jo i lehtë merret pas takimeve me organizatorët, policinë dhe drejtoritë përkatëse.

Ndryshe, rreth 40 persona kanë kërkuar ndihmë mjekësore si pasojë e panikut që ndodhi mbrëmë pas të shtënave me armë zjarri në ‘Berr Fest’.

COMMENTS