Letër kërcënuese afër Adem Grabovcit (Foto)

Policia e Kosovës dhe DEA amerikane arrestojnë dhjetë persona për krim të organizuar (Foto)
Edi Rama bëhet ‘shofer’ në moshën 53-vjeçare (Foto)

Persona ende të panjohur e kanë kërcënuar Shefin e Grupit Parlamentar nga Partia Demokratike e Kosovës, Adem Grabovci.

Mësohet se bëhet fjalë për një letër kërcënuese, e cila i është lënë para derës, në ndërtesën ku jeton Grabovci, në rrugën ‘Xhemajl Mustafa’ në Prishtinë.

Kërcënimi për zyrtarin e PDK-së lidhet me çështjen e Demarkacionit ndërmjet Kosovës dhe Malit të Zi.

Ndër të tjera, aty thuhet se nëse kalon kjo çështje në Kuvend, atëherë do të sulmohet me zollë shtëpia e tij.

‘Tokat tona i kemi mbrojt me gjak, mos i shit se kerset zolla në shpin tane’, thuhet në këtë letër.

Grabovci e ka konfirmuar kërcënimin, mirëpo nuk ka dhënë shumë detaje.

‘Letra është gjetur në afërsi të banesës sime’, ka thënë ai, përcjellë zico.tv

‘Për këtë gjë e kam njoftuar edhe policinë’, tha Grabovci.

Më 1 shtator në Kuvendin e Kosovës do të sillet për ratifikim Marrëveshja e Demarkacionit me Malin e Zi.

Partitë opozitare për muaj të tërë janë duke e kundërshtuar këtë marrëveshje, sipas të cilëve, Kosovës ia humb rreth 8 mijë hektarë tokë.

letra

COMMENTS