Kek me limon dhe vaj ulliri

Kofshë pule me kunguj, në salcë të sojës, me mjaltë
Sallatë e frutave me jogurt

Kemi vendosur këto ditë që t’iu sjellim vetëm receta të lehta për t’u përgatitur!Mos harroni të përdorni vaj ulliri të cilësisë së mirë!

Koha e përgatitjes: 10 minuta

Përbërësit për tavë me diametër 22 cm ose drejtkëndëshe 25 x 11 cm:

170 gr. sheqer
190 gr. miell
3 vezë
90 gr. kos me fruta ose I bardhë
80 ml. vaj ulliri me shije delikate
1 bustinë sodë për ëmbëlsira (16g)
2 limona bio – lëngu dhe lëkura e grirë në rende

Për shurupin:
lëngu i 1 limoni
80 gr. sheqer
100 ml. ujë

Përgatitja:

Ndezim furrën në 160° C. Në një tas, rrahim vezët me sheqerin me rrahësen e vezëve me dorë për 2 minuta. Shtojmë kosin, lëngun e 2 limonëve, vajin dhe i përziejmë edhe këto për 1 minutë. Shtojmë me sitë miellin dhe sodën, por këto i përziejmë me lugë druri ose spatul.

Hedhim brumin në tavën e lyer më parë me gjalpë e miell dhe e pjekim në furrë për 30-40 minuta ose aq sa, kur të bëjmë provën me kruajtëse dhëmbësh, ajo të dale e pastër.

Ndërkohë, përgatisim shurupin.

Në një tenxhere të vogël, hedhim përbërësit e shurupit dhe e lëmë në zjarr të marrë valë për 10 minuta. E heqim dhe e lëmë mënjanë të vaket. Kur keku të jetë pjekur, e shpojmë me kruajtëse dhëmbësh në sipërfaqe dhe e lagim me shurupin e vakët, nëse keku është i nxehtë.

COMMENTS