Haziri: Nuk e pranojmë rezultatin në Prishtinë dhe në Dragash!

Haziri: Nuk e pranojmë rezultatin në Prishtinë dhe në Dragash!

Nënkryetari i Lidhjes Demokratike të Kosovës (LDK), Lutfi Haziri ka reaguar menjëherë pas rezultateve të votave me kusht në Prishtinë, ku fitues po de

Nënkryetari i Lidhjes Demokratike të Kosovës (LDK), Lutfi Haziri ka reaguar menjëherë pas rezultateve të votave me kusht në Prishtinë, ku fitues po del të jetë Shpend Ahmeti.

Haziri ka thënë se LDK nuk e pranon rezultatin në Prishtinë.

Ai më tej ka thënë se kërkojnë rinumërim të votave në Prishtinë e madje edhe në Dragash.

‘Kërkojmë, rinumërimin deri sa nuk ndodhë rinumërim nuk ka rezultat në Prishtinë ..do të kërkojmë çdo rrugë ligjore me dëshmu rinumërimin për Prishtinën. Po ashtu besoj edhe për Dragashin’, ka deklaruar Haziri për Gazeta Blic.

Kujtojmë se Shpend Ahmeti ka marrë 861 ndërsa Arban Abrashi 733 vota sot gjatë numërimit të votave me kusht.

Kryetari aktual i Prishtinës, Shpend Ahmeti, e ka fituar edhe një mandat në krye të Kryeqytetit. Fitorja e tij është konfirmuar vetëm pasi janë numëruar votat me kusht dhe ato me postë. Ka dalë para Arban Abrashit vetëm me 128 vota.

Ndryshe edhe në komunën e Dragashit, LDK është mposhtur nga PDK-ja.

Ndërkohë, PZAP i kishte dhënë të drejtë LDK-ë e PDK-së për rinumërim të tërsishëm të votave në Prishtinë dhe në Prizren, mirëpo dje Gjykata Supreme kishte anuluar këtë vendim, pas ankesës që kishte bërë Lëvizja Vetëvendosje.

COMMENTS