Haradinaj i premton personelit mjekësor se së shpejti do të rregullohet çështja e pagave

Haradinaj i premton personelit mjekësor se së shpejti do të rregullohet çështja e pagave

Kryeministri i vendit, Ramush Haradinaj, ka zhvilluar një takim pune me ministrin e Shëndetësisë, Uran Ismaili. Haradinaj ka thënë se shëndetësia ka qenë tema e parë prioritare si fillim i punës së tyre si Qeveri.

‘Falënderoj ministrin që e ka marrë me seriozitet këtë punë. Gjendja është ndryshe sot në shëndetësi, personeli mjekësor dhe mjekët në Kosovë janë heronjtë tanë’, ka thënë Haradinaj.

Ai ka shtuar se çështja e pagave për mjekët dhe personelin mjekësor do të rregullohet.
‘U jemi shumë borxh atyre, me ligjin për pagat dhe rishikimin e buxhetit jemi duke shikuar që ta rregullojmë këtë çështje’, u shpreh Haradinaj.

Në anën tjetër ministri Uran Ismaili theksoi se gjatë këtij viti u zotuan që do të bëjnë zgjidhje në sektorin shëndetësor.

‘Do të mbështesim punëtorët shëndetësorë me ngritje të pagave me një sistem më të mirë të menaxhimit’, ka thënë Ismaili, duke theksuar se janë duke bërë hapa gradualë që shëndetësia në mandatin e tyre të përmirësohet dukshëm.

COMMENTS