Gjobitet Rusia, kërcënohet me skualifikim nga ‘Euro 2016’

Hidhet shorti për çerekfinalet e Carabao Cup, mësohen çiftet dhe datat (Foto)
Largimi i një legjende, Lahm i dha lamtumirën futbollit (Foto/Video)

Federata e Futbollit e Rusisë është gjobitur me 168.000 dollarë për shkak të dhunës së tifozëve në Kampionatin Evropian të Futbollit që po zhvillohet në Francë.

Kombëtarja ruse mund të përjashtohet nga turneu në rast të dhunës së mëtutjeshme, paralajmëron UEFA.

UEFA ka thënë se skualifikimi do të hyjë në fuqi nëse ‘incidente të natyrës së ngjashme ndodhin brenda stadiumit’ në ndonjërën nga ndeshjet e mbetura të Rusisë. Rusia luan me Sllovakinë më 15 qershor në Lille.

Tifozët rusë janë përleshur me tifozët anglezë përpara ndeshjes së dy vendeve më 11 qershor në Marsejë. Së paku 35 veta, shumica britanikë, janë plagosur në përleshje.

Ndeshja Rusi-Angli ka përfunduar me rezultat 1:1.

Zyrtarët francezë kanë thënë se rreth 150 rusë, të përfshirë në përleshje, ‘kanë qenë jashtëzakonisht mirë të trajnuar’ dhe ‘të përgatitur për veprime ultra të dhunshme’.

COMMENTS