Gjilani furnizohet me vaksina kundër gripit – Janë falas

Gjilani furnizohet me vaksina kundër gripit – Janë falas

Banorët e Hades: Nuk i lëshojmë shtëpitë pa plotësimin e kushteve
Gjyqësori në veri i gatshëm të gjykojë me ligjet e Kosovës

Kontingjenti i parë i vaksinave kundër gripit sezonal në sasi prej 2 mijë dozave ka mbërritur të hënën në Qendrën Kryesore të Mjekësisë Familjare në Gjilan. Furnizimin e ka bërë Ministria e Shëndetësisë.

Drejtori i QKMF-së në Gjilan, Fejzulla Berisha, ka konfirmuar se këto vaksina janë pa pagesë dhe do të vaksinohen të gjithë personat e moshuar dhe ata me probleme shëndetësore.

‘Aplikimin e tyre jemi duke e bërë në dy qendra, QKMF dhe QMF-Dardania në shërbimin e vaksinimit. Do të vaksinohen të gjithë personat e moshuar, ata me sëmundje kronike dhe qytetarët që kanë probleme të caktuara shëndetësore’, ka thënë drejtori i QKMF-së, Fejzulla Berisha.

Ai ka informuar se janë të përgatitur që t’u dalin në ndihmë të gjithë qytetarëve në çdo kohë dhe se do të vazhdojnë të furnizohen edhe me kontingjentin tjetër të vaksinave, në momentin që shpenzohet sasia e tanishme.

COMMENTS