Edi Rama i dërgon Evropës mesazhe me stil (Foto)

Kryeministri i Shqipërisë Edi Rama, po e përdorë stilin e tij të guximshëm e shumëngjyrësh për të dërguar një mesazh për Shqipërinë moderne në Evropë.

Kryeministri i Shqipërisë Edi Rama, po e përdorë stilin e tij të guximshëm e shumëngjyrësh për të dërguar një mesazh për Shqipërinë moderne në Evropë.

Rama fillimisht fitoi reputacionin e tij në lidhje me modën dhe stilin në vitin 1998 kur ishte Ministër i Kulturës.

Të rinjtë menjëherë shfaqen interesim të madh tek ai, veçanërisht pas sfondit të një piktori e basketbollisti.

Në rrobat e tij, ashtu sikur në pëlhurë, Rama pëlqen të përziej ngjyrat e ndezura duke krijuar një stil unik që pa dyshim e ka ndihmuar edhe në sferën politike.

Gjate kohës sa ishte kryetar i Tiranës, i dha kryeqytetit frymën e tij artistike.

Megjithatë shumë persona kanë menduar që me t’u zgjedhur kryeministër Edi Rama, do te zbus ngjyrat dhe do të vishet në mënyrë më modeste.

Por të gjithë ata njerëz ishin gabim.

Të mërkurën, p.sh, përderisa ishte pjesëmarrës në Samiin për Ballkanin Perëndimor në Trieste, Edi Rama kombinoi një kostum formal me një palë atlete të bardha Addidas.

Atletet e bardha me tre vija të kuqe nuk munguan as në takimin me presidentin e Francës, Emmanual Macroon.

Kjo nuk ishte hera e parë që Rama realizon dukje interesante, nëpër takime formale.

Më 24 maj, përderisa ishte pjesë e një takimi të liderëve të Ballkanit me Zëvendëspresidenten e Komisionit Evropian, Frederica Mogherini, ai kishte veshur një bluzë me mbishkrime, pantallona sportive dhe atlete.

E sipas ligjërueses Irena Myzeqari, Rama e sheh politikebërjen tradicionale si të mërzitshme ngaqë nuk sjell asgjë të re.

‘Shumë e kanë kritikuar, mirëpo kur vjen puna tek kreativiteti dhe ndjenja ‘natyrale’ për të qenë në qendër të vëmendjes, Rama nuk krahasohet me askënd tjetër. Bluzat me printime me trëndafilat e kuq të kombinuara me pantallona të zeza, janë përdorë për të dërguar një mesazh të thjeshtë: Unë jam i zakonshëm, unë jam një nga ju dhe ne jemi një familje; një familje ku dashuria dhe besimi tashmë janë vendosur dhe nuk ka nevojë për kravata formale apo kostume të zeza’ ka thënë Myzeqari.

Tutje ajo ka shtuar që kombinimet e Ramës nëpër takime në Evropë nuk janë të rastësishme.

Sipas saj ato janë strategji të menduara mirë për të promovuar vetëbesimin e Shqipërisë.

COMMENTS