Drita mundet nga bullgaret në Ligën e Kampionëve

Kampionia e Kosovës në volejboll në konkurrencë të femrave, Drita, ka debutuar me humbje në Ligën e Kampionëve.

Vashat gjilanase u mposhtën në palestrën ‘Bashkim Selishta – Petriti’ në Gjilan nga ekipi Maritza Plovdiv nga Bullgaria, 3 me 0 në sete.

Kjo ndeshje i takon raundit të parë të garës prestigjioze. Pas kësaj përballje, Drita do të jetë mysafire e ekipit bullgar në Plovdiv për duelin e dytë të këtij raundi, më 22 tetor.

Ajo çfarë vlen të përmendet është se salla ishte përplot tifozë.