Anulohet vizita e kryeministrit të Malit të Zi

Është anuluar vizita e Kryeministri të Malit të Zi në Prishtinë, Dushko Markoviq e paraparë të zhvillohej sot.

Lajmin e ka bërë të ditur zëdhënësja e Qeverisë së Kosovës, Donjeta Gashi, e cila tha se vizita është anuluar për shkaqe atmosferike.

‘Për kohën dhe vizitën, mbetet të ketë një koordinim të ri ndërmjet qeverive përkatëse’, tha Gashi për Radion Evropa e Lirë.

Markoviq pritej që sot të arrinte në orën 08:00 në Aeroportin Ndërkombëtar të Prishtinës, por mjegulla fillimisht detyroi shtyrjen e aterrimit, ndërsa tani vizita e tij është anuluar.