Anëtarësimi i Kosovës në Interpol, për Serbinë i papranueshëm

Zyrtarë serbë kanë shfaqur drojën nga anëtarësimi i mundshëm i Kosovës në Interpol, transmeton Koha.net.

Kështu, Milovan Drecun, kryetar i Këshillit për Kosovën në Kuvendin Serbisë, ka thënë se ‘për ne është e papranueshme që shteti i vetëshpallur të jetë anëtar i Interpolit. Me hyrjen eventuale, Kosova do ta kishte më të shkurtër rrugën për të ngritur aktakuza dhe për t’i bërë ato drejtpërdrejt të plotfuqishme e jo më përmes UNMIK-ut’, përcjell FoNet.

Ai ka shtuar se përpjekja për anëtarësim të Kosovës në Interpol është ‘kompensim për ngecjen që ka pasuar në arritjen e subjektivitetit të plotë ndërkombëtar’ duke theksuar se kjo ka ndodhur edhe përkundër presionit të fuqishëm të sponsorëve ndërkombëtarë.

Gjatë shtatorit, sipas paralajmërimeve, pritet anëtarësimi i Kosovës në Interpol.

Interpoli është organizatë ndërkombëtare policore.