Alma Lama për Kosovën përplaset me ambasadorin serb në Itali (Video)

Alma Lama për Kosovën përplaset me ambasadorin serb në Itali (Video)

Vuajtjet e tyre nuk mbaruan me luftën: Flasin femrat e dhunuara (Video)
Gjendje e jashtëzakonshme në trafik, 17 të vdekur për një muaj

Ambasadori i Serbisë në Itali, Goran Aleksic, ka bërë një veprim jo të pranueshëm për disa në Universitetin La Sapienza, kur insistoi të merrte fjalën në fund të një konferencë shkencore dhe të fliste kundër Kosovës dhe prezantimeve që u bënë aty.

Pjesëmarrësit në konferencë që ishin profesorë, studentë diplomatë dhe një senator, filluan të lëshojnë sallën kur ai u drejtua me arrogancë të pranishmeve, ‘Cili nga ju ka qenë ndonjëherë në Kosovë’.

Ambasadorja e Kosovës në Itali, Alma Lama, i reagoi duke i thënë që të mos ofendonte të pranishmit dhe se në sallë kishte përfaqësues të shtetit të Kosovës.

Të pranishmit filluan të dalin nga salla dhe i kërkuan të ndërpriste fjalën.

Incidenti ndodhi pas prezantimit të sesionit për Kosovën, në Konferencën e organizuar nga Fondacioni La Sapienza i Romës dhe Qendra e Hulumtimeve për Eurazi (CEMAS) e Universitetit Sapienza të Romës.

Tema e konferencës ishte ‘Përtej Luftës: Restaurimi i trashëgimisë kulturore në Kroaci dhe Kosovë’, ndërsa tema e sesionit për Kosovën ishte Mbrojtja e trashëgimisë nga manipulimet historike, ky prezantuan punimet e tyre Dr. Florina Jerliu dhe kërkuesi shkencor Arben Arifi.

COMMENTS